AKTOJ de la AKADEMIO II 1968-1974
Oficiala Bulteno de la Akademio de Esperanto – No. 10
PARTO OFICIALA
REKOMENDOJ DE LA AKADEMIO
.I. PRI LA REFLEKSIVO
En Majo 1971, sekve de raporto de la Direktoro pri la Gramatika Sekcio, D.B. Gregor, la Akademio, post zorga esplorado de la demando, oficialigis unuanime jenan regulon pri la refleksivaj pronomo kaj adjektivo; gxi esperas per tio pozitive kontribui al pli granda unueco de la uzado.
Regulo
I. La refleksivaj pronomoj (serio “si/sia”) rilatas nur la 3-an personon kaj resendas al la plej proksima subjekto, aux singulara aux plurala. Tiu subjekto ne cxiam koincidas kun la gramatika subjekto de la tuta frazo, cxar novan subjekton povas enkonduki (1) infinitivo, (2) a-finajxa participo kaj (3) substantivo de verba deveno, kiam gxi klare esprimas agon.
II. Iafoje la vera subjekto lasas sin vidi per enmeto de la vortoj “kiu(j) est-” ekz-e cxe apozicioj adjektivaj aux substantivaj provizitaj per komplemento (ekz-e: “kastelo fama pro sia historio” — sed “li ekvidis sian fraton Benjamenon, la filon de lia patrino” t.e. Benjamenon, kiu estis la filo de lia patrino).
III. Ekzistas tradicie sankciitaj vortkunmetoj kaj frazeroj, en kiuj la refleksivo funkcias absolute, sen rilato al la agsubjekto, ekz-e “siatempe” ktp.
IV. Nekonformigxo en iaj okazoj, se el tio rezultas pli granda klareco, estas tolerata.
Gvidaj Ekzemploj
| I. |
|
||||||||
|---|---|---|---|---|---|---|---|---|---|
| II. |
|
||||||||
| III. |
|
.II. PRI LA VORTO “PO”.
En Februaro 1974, sekve de raporto de la Direktoro pri la Gramatika Sekcio, H.A. de Hoog, la Akademio, post vastaj internaj diskutoj, oficialigis jenan rekomendon (el 43 membroj: 30 jes, 5 ne, 4 sindetenoj):
La Akademio malkonsilas la uzadon de la prepozicio “po”, por esprimi la rilaton indikitan per la frakci-streko en esprimoj kiel 30 km/h kaj similaj, kiel rektan eraron kontraux la gxusta signifo de tiu prepozicio, difinita de Zamenhof en unu “Lingva Respondo”.
Manke de specifa prepozicio por tia uzado, la Akademio lasas liberecon al fakuloj elekti inter la prepozicioj “en”, “je”, “por” aux “sur” laux la cirkonstancoj, aux uzi adverban formon, kiel “30 kilometroj(n) hore”.